Brad Pitt í gamanmynd

Hjartaknúsarinn Brad Pitt er í viðræðum um að leika í gamanmyndinni Cogan‘s Trade. Ef Pitt ritar nafn sitt á samninginn verður þetta í annað sinn sem hann starfar með leikstjóranum Andrew Dominick. Þeir unnu síðast saman við vestrann The Assassination of Jesse James sem kom út 2007.

Dominick ætlar að leikstýra Cogan‘s Trade eftir eigin handriti og framleiðslufyrirtækið Plan B, sem er í eigu Pitts, mun framleiða í samvinnu við Chockstone Pictures. Myndin fjallar um mann sem rannsakar rán sem átti sér stað í miðju pókerspili.