Ólafur Darri í sjósund og köfun fyrir Djúpið 24. apríl 2010 10:45 Stefán Máni mun taka Ólaf Darra í smá kennslustund um hvernig sé best að haga sér í sjósundi. Mynd/Valgarður Gíslason „Ég hef ekki stundað sjósund sem sport en hef þurft að synda ansi mikið í sjónum að undanförnu," segir Ólafur Darri Ólafsson leikari sem er byrjaður að undirbúa sig fyrir aðalhlutverkið í nýrri kvikmynd Baltasars Kormáks, Djúpið. Myndin er lauslega byggð á ótrúlegu afreki Guðlaugs Friðþórssonar sem synti í land eftir að bát hans hvolfdi skammt frá Heimaey með þeim afleiðingum að fjórir félagar Guðlaugs fórust. Ólafur leikur aðalhlutverkið og þarf því að vera ansi vanur köldum sjónum enda má fastlega reikna með því að myndin gerist að mestu leyti á hafi úti. „Ég var náttúrlega svolítið í sjónum í Brúðgumanum og svo líka í Roklandi þannig að maður er kominn með smá grunn." Ólafur hyggst ekki fara til sjálfskipaðra sjósundsfræðinga til að undirbúa sig fyrir sund í köldu vatni. „Nei, ég ætla bara að fara í góðra vina hópi og hlakka bara mikið til að henda mér í sjóinn," segir Ólafur en hann hyggst þó leita ráða hjá Stefáni Mána Sigþórssyni rithöfundi sem hefur tekið ófá sundtök í köldum sjónum. En sjósundið er ekki eini undirbúningurinn sem Ólafur Darri hyggst henda sér út í því hann hefur skráð sig á köfunarnámskeið. „Ég hef aldrei kafað og ætlaði reyndar að fara á svona námskeið síðasta haust. En það kemur sér vel að gera þetta núna og fyrst maður er að fara að leika í þessari bíómynd er bara eins gott að láta slag standa," segir Ólafur. - fgg Mest lesið Justin Timberlake með Lyme-sjúkdóm Lífið Mannblendnir refir slá í gegn á Snæfellsnesi Lífið Einar og Milla eignuðust dreng Lífið Útskúfaður úr Hollywood vegna kossareglunnar Lífið Dularfullur veðurbreytir Jakobs Frímanns og maðurinn á bak við hann Lífið Uppljóstrar um síðustu skilaboðin sem hann fékk frá Ozzy Lífið Forseti Alþingis snæddi kvöldverð með Michael Douglas Lífið Draumabrúðkaup í sextíu ára gömlum kjól frá ömmu Lífið Ætlar í pásu frá giggum Lífið Síðasta Þjóðhátíðin í bili hjá FM95BLÖ Lífið Fleiri fréttir Óþekkjanleg stjarna Ingvar E. valinn besti leikarinn í Grikklandi Malkovich klipptur út úr Hinum fjóru fræknu Reykjavík Visual Effects tilnefnt til tveggja Emmy-verðlauna Sleðinn úr Citizen Kane orðinn næstverðmætasti leikmunurinn Severance sópar að sér Emmy-tilnefningum Bestu hlutverk Michaels Madsen: Óþokki með viskýrödd og uppáhald Tarantino Djöfullinn klæðist Prada á ný Sjá meira
„Ég hef ekki stundað sjósund sem sport en hef þurft að synda ansi mikið í sjónum að undanförnu," segir Ólafur Darri Ólafsson leikari sem er byrjaður að undirbúa sig fyrir aðalhlutverkið í nýrri kvikmynd Baltasars Kormáks, Djúpið. Myndin er lauslega byggð á ótrúlegu afreki Guðlaugs Friðþórssonar sem synti í land eftir að bát hans hvolfdi skammt frá Heimaey með þeim afleiðingum að fjórir félagar Guðlaugs fórust. Ólafur leikur aðalhlutverkið og þarf því að vera ansi vanur köldum sjónum enda má fastlega reikna með því að myndin gerist að mestu leyti á hafi úti. „Ég var náttúrlega svolítið í sjónum í Brúðgumanum og svo líka í Roklandi þannig að maður er kominn með smá grunn." Ólafur hyggst ekki fara til sjálfskipaðra sjósundsfræðinga til að undirbúa sig fyrir sund í köldu vatni. „Nei, ég ætla bara að fara í góðra vina hópi og hlakka bara mikið til að henda mér í sjóinn," segir Ólafur en hann hyggst þó leita ráða hjá Stefáni Mána Sigþórssyni rithöfundi sem hefur tekið ófá sundtök í köldum sjónum. En sjósundið er ekki eini undirbúningurinn sem Ólafur Darri hyggst henda sér út í því hann hefur skráð sig á köfunarnámskeið. „Ég hef aldrei kafað og ætlaði reyndar að fara á svona námskeið síðasta haust. En það kemur sér vel að gera þetta núna og fyrst maður er að fara að leika í þessari bíómynd er bara eins gott að láta slag standa," segir Ólafur. - fgg
Mest lesið Justin Timberlake með Lyme-sjúkdóm Lífið Mannblendnir refir slá í gegn á Snæfellsnesi Lífið Einar og Milla eignuðust dreng Lífið Útskúfaður úr Hollywood vegna kossareglunnar Lífið Dularfullur veðurbreytir Jakobs Frímanns og maðurinn á bak við hann Lífið Uppljóstrar um síðustu skilaboðin sem hann fékk frá Ozzy Lífið Forseti Alþingis snæddi kvöldverð með Michael Douglas Lífið Draumabrúðkaup í sextíu ára gömlum kjól frá ömmu Lífið Ætlar í pásu frá giggum Lífið Síðasta Þjóðhátíðin í bili hjá FM95BLÖ Lífið Fleiri fréttir Óþekkjanleg stjarna Ingvar E. valinn besti leikarinn í Grikklandi Malkovich klipptur út úr Hinum fjóru fræknu Reykjavík Visual Effects tilnefnt til tveggja Emmy-verðlauna Sleðinn úr Citizen Kane orðinn næstverðmætasti leikmunurinn Severance sópar að sér Emmy-tilnefningum Bestu hlutverk Michaels Madsen: Óþokki með viskýrödd og uppáhald Tarantino Djöfullinn klæðist Prada á ný Sjá meira