Tvær myndir til viðbótar

Leikstjórinn James Cameron ætlar að hefja handritaskrif á tveimur framhaldsmyndum Avatar snemma á næsta ári. Stefnt er á að fyrri myndin komi í bíó eftir fjögur ár og sú síðari ári síðar, eða í desember 2015.

Cameron ætlar að ákveða hvort hann tekur báðar myndirnar upp á sama tíma þegar hann hefur lokið við handritin. „Söguþræðirnir í annarri og þriðju myndinni verða sjálfstæðir en tengjast samt stóru sögunni. Ég hlakka til að snúa aftur til Pandóru, heims þar sem ímyndunaraflinu er gefinn laus taumurinn,“ sagði Cameron.