Fyrrum ástmaður vill 3,8 milljarða frá Lady Gaga

Fyrrverandi ástmaður söngkonunnar Lady Gaga hefur stefnt henni og krefst 30 milljóna dollara af henni. Ástæðan er sú að ástmaðurinn, sem heitir Rob Fusari, telur sig hafa verið einn af höfundum að baki karakternum Lady Gaga, segir Ritzau fréttastofan.

Fusari telur sig meðal annars hafa átt hugmyndina að nafninu Lady Gaga, sem verður að segjast að er mun þjálla en nafnið Stefani Germanotta, sem er raunverulegt nafn söngkonunnar.

30 milljónir dollara jafngilda um 3,8 milljörðum íslenskra króna.