Kallar Gibson kynþáttahatara

Leikkonan Winona Ryder hefur slegið í gegn í hlutverki sínu sem ballettdansmær í kvikmyndinni The Black Swan. Hún hefur verið dugleg að kynna myndina undanfarið og veitt mörg skemmtilegt viðtöl. Í nýlegu viðtali við tímaritið GQ segir Ryder frá því þegar hún hitti leikarann Mel Gibson í veislu í Hollywood.

„Þetta var fyrir fimmtán árum í einum af þessum stóru Hollywood-veislum og hann var mjög drukkinn. Ég var með vini mínum, sem er samkynhneigður, og Mel sagði mjög andstyggilegan brandara um homma. Hann komst svo að því að ég væri gyðingur og sagði mig hafa „sloppið naumlega frá ofninum“ en ég skildi ekki við hvað hann átti við þá. Þetta var allt mjög undarlegt og ég hugsaði með mér: „Hann er hommafælinn kynþáttahatari,“ en enginn trúði mér,“ sagði leikkonan. Í sama viðtali segist hún alls óhrædd við að eldast, það eina sem hún óttist er að hún verði brátt of gömul til að eignast börn á náttúrulegan hátt.