Lífið

Leikur alka í nýrri mynd

Gwyneth Paltrow hyggst leika útbrunna kántrístjörnu sem á í erfiðleikum með áfengið.
Gwyneth Paltrow hyggst leika útbrunna kántrístjörnu sem á í erfiðleikum með áfengið.
Samkvæmt breska blaðinu Daily Mail hefur Gwyneth Paltrow samþykkt að leika áfengissjúka tónlistarkonu í kvikmyndinni Country Strong. Gwyneth er auðvitað gift Chris Martin, oftast kenndum við Coldplay, og því ættu heimatökin að vera hæg. Samkvæmt Daily Mail mun Gwyneth leika kántrísöngkonu að nafni Kelly Canter sem má muna fífil sinn fegurri á tónlistarsviðinu.

Að mati Daily Mail er augljóst að Paltrow hafi horft til kántrímyndarinnar Crazy Heart þar sem Jeff Bridges fékk Óskarsverðlaun fyrir frammistöðu sína. Og blaðið bendir á að þetta verði fyrsta aðalhlutverk Paltrow frá árinu 2005 en þá lék hún dóttur stærðfræðisnillings í Proof. Paltrow fékk frábæra dóma en myndin fékk engan veginn þá aðsókn sem vonast hafði verið til.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.