Vill bara skemmta sér

Hjónin David Arquette og Courteney Cox eru sem kunnugt er skilin að borði og sæng. Síðan fréttirnar spurðust út hefur oft sést til Arquette þar sem hann er vel við skál auk þess sem hann hefur viðurkennt að hafa sængað hjá öðrum konum skömmu eftir skilnaðinn. Þrátt fyrir þetta segist leikarinn elska konu sína og að þau séu að vinna í sínum málum.

„Ég elska eiginkonu mína og hún elskar mig. Ég er skemmtanaglaður og góðhjartaður einstaklingur. Ég hef alltaf verið svolítið villtur og viðurnefni mitt var „Dabbi stuð". Mér finnst gaman að fíflast og kynnast nýju fólki," var haft eftir hinum skemmtanaglaða David Arquette.