Kate sýndi nýja manninn

Kate Winslet sýndi umheiminum nýja kærastan sinn á ljósmyndasýningu í Madrid á Spáni. Lukkunnar pamfíllinn heitir Louis Dowler og er eitt frægasta karlmódel heims. Orðrómur hefur verið á kreiki um samband Dowlers og Winslet í dágóðan tíma eða frá því í sumar þar sem þau sáust ganga hönd í hönd í London.

Leikkonan sagði þau þá aðeins vera góða vini. Hins vegar var enginn vafi í huga nærstaddra að örvar Amors hefðu hæft Kate og Louis í hjartastað því þau kysstust og létu vel hvort að öðru fyrir framan myndavélarnar.