Leynifélagið á skjáinn

„Við erum ekki að sjónvarpsvæða útvarpsþáttinn Leynifélagið en við verðum sömu karakterar og í útvarpinu,“ segir Kristín Eva Þórhallsdóttir. Hún og Brynhildur Björnsdóttir hafa um árabil stjórnað barna-og unglingaþættinum Leynifélagið á Rás 1 við miklar vinsældir. Og nú munu þær stjórna morgunsjónvarpi barnanna á laugardagsmorgnum milli átta og tíu. „Það hefur verið smá hlé á þessu frá því að Birta og Bárður sáu um hana,“ segir Kristín en fyrsti þátturinn fer í loftið laugardaginn 2. október.

Kristín viðurkennir að það verði eflaust mikil breyting fyrir þær að vera með þátt fyrir börn í sjónvarpi. „Maður þarf kannski að venja sig af því að segja „sjáðu“ því fólkið sér hlutina í sjónvarpinu sínu,“ útskýrir Kristín tekur fram að Leynifélagið á Rás 1 sé ekki að fara hætta. Það verði áfram á sínum stað.-fgg