Spilar lög af nýrri plötu

Söngkonan Ólöf Arnalds heldur tónleika í Þjóðmenningarhúsinu á laugardagskvöld. Þar flytur hún efni af væntanlegri plötu sinni, Innundir skinni. Á plötunni, sem kemur út í vor, eru fjölbreyttari útsetningar og hljóðfæranotkun en á fyrstu plötu hennar, Við og við. Helstu hljóðfæraleikarar plötunnar utan Ólafar eru þeir Davíð Þór Jónsson og Skúli Sverrisson. Kjartan Sveinsson úr Sigur Rós stjórnaði upptökum. Davíð Þór mun einmitt spila með Ólöfu á tónleikunum á laugardaginn, sem hefjast klukkan 20. Miðaverð er 2.000 krónur.