Með húðvandamál eins og aðrir

Breska söngkonan Pixie Lott, 19 ára, segir það alls ekki sjálfgefið að vera með fína, mjúka húð þrátt fyrir að andlitskremin með töfralausnirnar séu óteljandi þarna úti.

Þrátt fyrir að vera stórglæsileg í öllum tónlistarmyndböndunum sínum segir Pixie að hún þurfi að leggja sig alla fram við að líta vel út. Hún segist fá unglingabólur eins og aðrir unglingar en hún notar rakakrem á andlitið sem hjálpar henni að viðhalda sléttri og unglegri húð.

„Það er erfitt að vera alltaf sléttur og bólulaus þegar þú ert unglingur. Bólurnar einfaldlega koma og það er ekkert við því að gera," sagði söngkonan.

„Ég veit að það er fullt af góðum kremum til en ég nota rakakrem sem kallast NuBo. Þegar ég set það á mig verður húðin silkimjúk," sagði Pixie.

„Það sem skiptir öllu máli er að vera sátt við sjálfa sig sama hvernig þú lítur út. Það er svo mikilvægt að vera ánægður," sagði hún.