Fjarlægir húðflúrin

Kelly Osbourne, dóttir rokkarans Ozzy, vill láta fjarlægja öll húðflúrin af líkama sínum. Hún er með fjórtán húðflúr, þar á meðal hauskúpu, hljómborð og álfkonu.

„Þegar þú eldist áttarðu þig á því að kannski var það ekki svo góð hugmynd að hafa Tinkerbell [álfkonuna] fyrir ofan rassinn á sér. Og hljómborðið á handleggnum mínum sem ég fékk mér þegar ég var drukkin er fáránlega ljótt. Ég get ekki beðið eftir því að losa mig við þau," sagði hin 25 ára Kelly, sem hefur breyst töluvert í útliti að undanförnu. Hún er þegar búin að gangast undir laser-meðferð til að láta fjarlægja hluta af húðflúrunum og er að safna kjarki til að halda meðferðinni áfram.

„Þetta er tíu sinnum sársaukafyllra en að fá sér tattú," sagði hún.