Bjarni Harðar í 2. sæti hjá VG í Árborg

Bjarni Harðarson, fyrrverandi þingmaður, skipar annað sætið á framboðslista Vinstri grænna í Árborg vegna bæjarstjórnarkosninganna í maí. Bjarni var kjörinn á þing fyrir Framsóknarflokkinn í kosningunum 2007 en hann sagði af sér þingmennsku haustið 2008 í kjölfar þess að tölvupóstur þar sem hann hjólaði í Valgerði Sverrisdóttur fór óvart á fjölmiðla. Í aðdraganda þingkosninganna 2009 stofnaði Bjarni nýtt framboð - L-lista fullveldissinna - sem dró síðar framboð sitt til baka.

Þórdís Eygló Sigurðardóttir, forstöðumaður, leiðir VG í Árborg. Flokkurinn fékk einn bæjarfulltrúa kjörinn í kosningunum fyrir fjórum árum, Sjálfstæðisflokkurinn fjóra, Samfylkingin tvo og Framsókn tvo.

Framboðslisti VG í Árborg:

1.     Þórdís Eygló Sigurðardóttir, forstöðumaður

2.     Bjarni Harðarson, bóksali

3.     Sædís Ósk Harðardóttir, sérkennari

4.     Andrés Rúnar Ingason, háskólanemi

5.     Margrét Magnúsdóttir, garðyrkjufræðingur

6.     Óðinn Kalevi Andersen, skrifstofumaður

7.     Sigrún Þorsteinsdóttir, hugbúnaðarsérfræðingur

8.     Hilmar Björgvinsson, skólastjóri

9.     Helga Sif Sveinbjarnardóttir, búfræðingur

10.  Jóhann Óli Hilmarsson, fuglafræðingur

11.  Monika Figlarska, túlkur

12. Valgeir Bjarnason, líffræðingur

13.  Sunna Sigurðardóttir, hársnyrtir

14.  Sigurður Ingi Andrésson, framhaldsskólakennari

15.  Iðunn Gísladóttir, eftirlaunakona

16.  Þorsteinn Ólafsson, dýralæknir

17.  Guðrún Jónsdóttir, eftirlaunakona

18.  Jón Hjartarson, bæjarfulltrúi