Tengdó höfðar mál

Tengdapabbi stjörnukokksins Gordons Ramsey, Chris Hutcheson, hefur höfðað mál á hendur honum. Og það þarf kannski ekki að koma neinum á óvart að ástæðan er peningar.

Forsagan er sú að breskir fjölmiðlar greindu frá því að Hutcheson hefði hætt sem forstjóri Gordon Ramsey Holding í síðasta mánuði eftir tólf ár í starfi. Hann heldur því fram að hann hafi verið rekinn og krefst tveggja milljóna punda í skaðabætur. Til að bæta gráu ofan á svart er Gordon búinn að losa sig við mág sinn og frænda eiginkonunnar, Tönu Ramsey.

Christopher, sem er rétt nýorðinn tvítugur, segir fjölskylduna vera í rusli yfir þessu máli. „Þetta er virkilega sorglegt, fjölskyldan er að liðast í sundur.“