Cheryl með ljósmyndabók

Söngkonan Cheryl Cole úr stúlknasveitinni Girls Aloud ætlar að gefa út bókina My World í haust þar sem lífshlaup hennar verður rakið í ljósmyndum. Í bókinni verða margar myndir sem hafa aldrei birst áður, þar á meðal af henni og eiginmanni hennar Ashley Cole sem varð nýverið uppvís að framhjáhaldi.

„Að horfa á ljósmyndir er dálítið eins og að hlusta á tónlist. Þær minna þig á liðna atburði og hvernig þér leið á þeim tíma,“ sagði Cheryl. „Mig langaði að velja myndir sem hafa sérstaka þýðingu fyrir mig og segja sögurnar sem fylgja þeim.“