Hrifin af Justin Bieber

Tímaritið Elle birti nýverið myndasyrpu með raunveruleikastjörnunni Kim Kardashian og söngvaranum Justin Bieber. Myndasyrpan sótti innblástur til kvikmyndarinnar The Graduate og þótti mörgum hún heldur ósmekkleg þar sem Bieber er ekki sjálfráða.

„Ég skemmti mér vel í tökunum. Fólki má finnast það sem það vill, en okkur fannst mjög gaman að taka þátt í þessu. Fagfólkið hjá Elle stóð sig sömuleiðis mjög vel og ég er mjög ánægð með útkomuna,“ sagði Kim Kardashian í spjallþættinum Lopez Tonight. Þegar þáttastjórnandinn spurði hana út í Bieber sagði Kardashian hann viðkunnanlegan ungan mann. „Það er eitthvað við hann. Hann er mjög sjarmerandi.“