Pamela hefur engan tíma fyrir ástina

Pamela Anderson segist ekki hafa tíma fyrir ást um þessar mundir.

Hún þurfi nefnilega á öllu sínu að halda í dans-raunveruleikaþættinum Dancing With The Stars.

„Ég er eiginlega á lausu. Ég hef allavega ekki tíma fyrir kærasta, ég þarf á öllum mínum sjarma að halda fyrir mig og dansfélaga minn,“ sagði Pamela í samtali við Reveal-tímartið.

Pamela hefur löngum verið þekkt fyrir fremur frjálslegt val í karlamálum en áhorfendur í Bandaríkjunum hafa fallið fyrir henni í dansþættinum.

Leikkonan segist ekki geta beðið eftir því að klæðast djörf­um búningum og stíga nokkur dansspor. Og svo sé dansinn líka fínasta líkamsrækt.

„Ég er búin að eignast tvö börn og þessi keppni er alveg hrikalegt púl. Þetta er allt öðruvísi heldur en að fara í líkamsrækt.“