Vinalaus og skrýtin

Leikkonan Taylor Momsen, 17 ára, var að eigin sögn skrýtin sem barn og átti örfáa vini.

Taylor skaust hratt upp á stjörnuhimininn þegar hún fékk hlutverk Jenny Humphrey í bandarísku sjónvarpsþáttaröðinni Gossip Girl sem sýnd er á Stöð 2.

Taylor vekur athygli í Hollywood fyrir hvítar hárlengingarnar, þykku svörtu augnmálninguna, þröngu sokkabuxurnar og háu sokkana.

Taylor heldur því fram að hún hafi átt fáa vini í barnaskóla.

„Ég átti í mesta lagi tvo vini alla mína æsku. Ég var skrýtna barnið í skólanum sem sagði fátt og var ekki eins og hinir. Ég var alltaf í hnéháum sokkum sem allir gerðu grín að. Í dag er ég heimsfræg fyrir háu sokkana mína. Kaldhæðnislegt ekki satt?"