„Þurfum líka að geta fætt og klætt börnin okkar“ - myndskeið

„Við fáum mikið þakklæti fyrir störf okkar en við þurfum líka krónur og aura til þess að geta fætt og klætt börnin okkar," segir Guðmundur Guðjónsson slökkviliðs- og sjúkraflutningamaður hjá slökkviliðnu á höfuðborgarsvæðinu.

Guðmundur og félagar voru staddir fyrir utan Borgartún 30 rétt fyrir klukkan tíu í morgun en þá var að hefjast samningafundar milli þeirra og launanefndar sveitarfélaganna. Slökkviliðsmenn höfðu kveikt eld í tunnu, og vildu með gjörningnum minna á sig.

Slökkviliðsmenn hafa verið samningslausir síðan í ágúst á síðasta ári en lítið hefur heyrst í þeim hingað til, en Guðmundur segir þolinmæðina vera á þrotum nú.

Launanefnd slökkviliðsmanna gekk í hús á meðan við ræddum við Guðmund, og þeim var vel fagnað þegar þeir gengu á fundinn, enda bera slökkviliðsmenn miklar væntingar til þess að samningar náist sem fyrst.

Hægt er að horfa á myndskeið með þessari frétt.