Hannar flíkur ásamt dóttur sinni

Söngkonan Madonna hefur hannað fatalínu ásamt þrettán ára gamalli dóttur sinni, Lourdes. Línan hefur fengið nafnið Material Girl og í henni er meðal annars að finna gallabuxur, skó og fylgihluti.

Madonna segir erfitt að halda dóttur sinni fjarri tískuheiminum og því hafi hún ákveðið að vinna fatalínuna í samstarfi við hana. „Hún hefur suðað í mér í mörg ár um að fá að hanna flíkur.

Stella McCartney er náin vinkona mín og hún hefur ávallt hvatt Lolu áfram með því að gefa henni skissubækur og efnisbúta til að vinna með.

Lola hefur fylgt mér í ýmsar tískumyndatökur og hún hefur einnig unnið með mér að búningahönnun fyrir síðustu tónleikaferð mína,“ útskýrir söngkonan.