Fá 117 milljónir fyrir áramótatónleika

Töffararnir í Coldplay maka heldur betur krókinn nú um áramótin. Þannig fá þeir 650 þúsund pund, eða tæplega 117 milljónir króna, fyrir að spila á hóteli í Bandaríkjunum á gamlárskvöld.

Hljómsveitin er gríðarlega eftirsótt þessa dagana virðist vera og fara með látum inn í nýja árið.

Þá mun ofurbomban Rihanna fá litlar þrjátíu milljónir fyrir að taka lagið í Las Vegas á gamlárskvöldi.

Hún hefur verið að sóla sig á Barbados um jólin en breska slúðurpressan getur ekki hætt að tala um pardusa-sundbol sem hún hefur látið sjá sig í á ströndinni.

Þá gleður það eflaust marga að Íslandsvinurinn og milljarðamæringurinn Philip Green, sem á Top Shop búðirnar, sást borða með bombunni á dögunum.