Eiginmaður Evu Longoriu keyrir eins og amma

Eva Longoria Parker segir að eiginmaður sinn keyri eins og amma. Hún er gift körfuboltastjörnunni Tony Parker og elskar að stríða honum.

Eva er þessa dagana að skipuleggja fjársjóðsleit um Los Angeles í góðgerðaskyni og ætlar að reyna að safna saman eins mörgum stjörnum og hún getur. Eiginmaðurinn fær aftur á móti ekki að keyra bílinn í hennar liði.

„Tony keyrir svo hægt. Hann er eins og amma! Hann keyrir svo hægt að það er tvisvar sinnum búið að sekta hann fyrir það," segir leikkonan.

Eva, sem er 35 ára gömul, segist vera miklu betri bílstjóri. Athugul og örugg. Hún segir vini sína að vísu ekki trúa henni. „Þannig að ég er alltaf látinn halda á kortinu í farþegasætinu."