Kate Winslet skrópar á frumsýningu Sólskinsdrengs

Leikkonan Kate Winslet sem talar inn á enska útgáfu myndarinnar Sólskinsdrengur verður fjarverandi þegar myndin verður sýnd í New York á mánudaginn.

Kate var skráð á lista yfir frumsýningargesti myndarinnar sem ber titilinn "A Mother's Courage: Talking Back to Autism" en nafn hennar var síðan fjarlægt af listanum.

Kate Winslet og eiginmaður hennar, Sam Mendez, eru nýskilin og tengir tímaritið OK skilnaðinn við fjarveru Winslet frá frumsýningunni.

Sólskinsdrengur er íslensk heimildarmynd um einhverfu, eftir Friðrik Þór Friðriksson.