Gefið okkur frið

Ákvörðun söngkonunnar Mariuh Carey um að ræða ekki söguna sem er á kreiki um að hún sé barnshafandi er andleg segir eiginmaður hennar, Nick Cannon.

Parið giftist fyrir tveimur árum og nú eru háværar sögusagnir um að Mariah gangi með barn Nick undir belti.

Í síðustu viku þakkaði söngkonan fyrir heillakveðjurnar sem hafa borist henni undanfarið í tilkynningu sem hún sendi fjölmiðlum þar sem hún segir að hún vilji alls ekki tjá sig meira um málið.

Mariah segist trúa á örlögin og þess vegna kjósi hún ekki að ræða líðan sína, hvorki andlega né líkamlega.

„Þetta er andleg ákvörðun Mariuh. Við viljum fá frið. Eins mikinn frið og hægt er. Hún vill fá að hafa hlutina út af fyrir sig núna," sagði Nick.

Hann sagði jafnframt að eiginkona hans ætli að ræða þessi „óléttumál" þegar henni líður þannig en Mariuh hefur lengi dreymt um að eignast stóra fjölskyldu.