Vill bónorð og það strax

Leikkonan Jessica Biel, 28 ára, vill giftast unnusta sínum, Justin Timberlake, 29 ára, hið fyrsta. Þau kynntust árið 2007 og nú finnst Jessicu tími til kominn að hann biðji hennar.

Hvorugt hefur hinsvegar viljað ræða um sambandið opinberlega þrátt fyrir háværar sögusagnir sem birtast með vissu millibili í miðlum vestan hafs um að samband þeirra standi á brauðfótum.

Nú segir sagan að Jessica vilji trúlofast en Justin vill ekki skuldbinda sig strax. Hann er sagður hafa ráðfært sig við félagana hvað skal gera í stöðunni nú þegar Jessica er harðákveðin kona og eftirsótt í þokkabót.

Félagar Justin hafa hvatt hann til að fara sem allra fyrst niður á hnén og biðja Jessicu um hönd hennar áður en hún leitar á önnur mið.