Ekki fleiri börn í bili

Leikkonan Katie Holmes, 31 árs, hefur ekki í hyggju að eignast fleiri börn í augnablikinu því hún vill að Suri, 4 ára dóttir hennar og Tom Cruise, fái alla athygli hennar.

Katie ræðit opinskátt um barneignir því stöðugar sögusagnir eru á kreiki beggja vegna Atlantshafsins um að hún sé barnshafandi.

„Kannski vil ég eignast fleiri börn eftir nokkur ár en í dag vil ég vera viss um að vera til staðar fyrir Suri," lætur Katie hafa eftir sér í Marie Claire tímaritinu.

„Ég er yngst af mínum systkinum. Eldri systir mín er fimm árum eldri en ég og þar fyrir ofan í röðinni á ég systur sem er níu árum eldri en ég. Mér fannst frábært að alast upp líkt og ég væri einbirni því ég fékk alla athygli móður minnar. Ég geri það enn í dag og mér líkar það mjög vel," sagði Katie jafnframt.