Beyoncé í glasi

Söngkonan Beyoncé skemmti sér með eiginmanni sínum, tónlistarmanninum Jay-Z, og vinum á skemmtistaðnum Tao í Las Vegas um helgina. Söngkonan og vinir hennar sátu lengi frameftir og drukku þó nokkrar flöskur af kampavíni og skemmtu sér hið besta. Fyrir helgi héldu bandarískir fjölmiðlar því fram að hjónin ættu von á sínu fyrsta barni, en þetta ætti að kveða þær sögusagnir niður.

„Hún leyfði eiginmanni sínum að njóta sín og hélt sér sjálfri til hlés, en skemmti sér þó augljóslega vel. Hún var greinilega komin í glas, enda drukku þau þó nokkuð af kampavíni,“ var haft eftir starfsmanni staðarins.