Burkina Faso 8600 fær góðar viðtökur

Heimildarmyndin Burkina Faso 8600 km, eftir Þorstein J. og Veru Sölvadóttur, sem frumsýnd var á internetinu fyrir helgi hefur fengið góðar viðtökur. Vel á annað þúsund manns hafa horft á myndina á vefnum thorsteinnj.is.

Myndin var gerð án opinberra styrkja og vitnaði Ragnar Bragason, leikstjóri, í hana í einni þakkarræðunni á Edduverðlaunahátíðinni í gær. „Þetta er mynd um lausnir á tímum kreppu," sagði Ragnar.

„Samkvæmt nýjustu tölur úr vefkerfinu komu um 600 manns í frumsýninguna á fimmtudaginn. Það er ekki gott að segja hvort allir horfðu á hana til enda, en viðbrögðin eru framar öllum vonum," segir Þorsteinn.

Myndin verður sýnd í tíu daga. „Ég hvet fólk til að mæta á thorsteinnj.is, smella á play og þú er kominn í ferðalag til Burkina Faso og til baka alveg ókeypis," segir Þorsteinn.