Arte mætir á RIFF

Fransk/þýska menningarsjónvarpsstöðin Arte, sem milljónir manna víðs vegar um Evrópu horfa á, ætlar að gera þátt um Alþjóðlega kvikmyndahátíð í Reykjavík, RIFF, sem hefst á fimmtudaginn. „Þetta er rosalega góð auglýsing fyrir Reykjavík og hátíðina,“ segir Hrönn Marinósdóttir hjá RIFF. Marc Wolfenberger, sem er leikstjóri myndarinnar Oil Rocks – City sem verður sýnd á hátíðinni, tekur upp þáttinn fyrir Arte ásamt íslenska tökumanninum Jóni Björgvinssyni en báðir starfa þeir hjá stöðinni.

Á hátíðina er einnig væntanlegur fulltrúi frá bandarísku sjónvarpstöðinni CBS, auk aðila frá fjölmiðlum á borð við Screen Daily, Die Zeit, Minneapolis Star og New York Magazine. Alls koma hingað 300 erlendir gestir auk sjötíu sjálfboðaliða. - fb