Dónaleg díva með stjörnustæla

Breska ofurfyrirsætan Kate Moss viðurkennir að vinir hennar kippi henni niður á jörðina ef hún svo mikið sem leyfir sér að vera með stjörnustæla.

Kate, sem er ein áhrifamesta fyrirsæta heims þegar kemur að tískustraumum, viðurkennir að þegar hún er með frekju, yfirgang og dónaskap grípa vinir hennar inn í og húðskamma hana þar til hún einbeitir sér að því að haga sér kurteislega.

„Ég á góða vini sem sjá til þess að ég sé ekki með stjörnustæla. Þeir slá mig utan undir og segja: Hættu að láta eins og díva!" sagði Kate.

Stjörnumerkjapælingar, spjall og spádómar á Lífinu á Facebook.