Guðlaugur fékk hæstu styrkina frá FL group, Fons og Baugi

Guðlaugur Þór Þórðarson, þingmaður sjálfstæðisflokksins, hefur birt lista yfir hluta þeirra fyrirtækja sem styrktu hann í prófkjöri sjálfstæðisflokksins í Reykjavík árið 2006. Styrkir til hans námu 24,8 milljónum króna.

Í yfirlýsingu sem hann hefur sent frá sér segir hann að í viðtali við Kastljóið nýlega hafi hann greint frá því að hann myndi kanna hvort þeir aðilar sem styrktu framboð hans samþykktu að vera nafngreindir. Sumir hafi veitt samþykki sitt en aðrir ekki og mun hann virða það eins og hann hafi sagt áður.

„Ég birti nöfn þeirra lögaðila sem eru gjaldþrota án þess að tala við viðkomandi forystumenn eða slitastjórn en ef viðkomandi aðili er látinn birti ég ekki nafn hans eða fyrirtækis hans. Nokkra aðila náði ég ekki í. Að auki talaði ég við einstaklinga og fór fram á leyfi til að birta nöfn þeirra en það hafa aðrir frambjóðendur ekki gert.

Samtals voru styrkir til framboðs míns til efsta sætis á lista Sjálfstæðisflokksins í Reykjavíkurkjördæmi norður árið 2006 24,8 milljónir króna. Þar af fékk ég styrki frá þeim aðilum sem hér greinir:

Actavis Group hf

250.000

Atorka Group hf

1.000.000

Austursel ehf

1.500.000

Baugur Group ehf

2.000.000

Bjarni Ingvar Árnason

250.000

Bláa Lónið

400.000

Borgarverk ehf

250.000

Brim hf

300.000

FL Group

2.000.000

Fons hf

2.000.000

Guðmundur Kristjánsson

200.000

Gylfi og Gunnar

200.000

HF Eimskipafélagið

500.000

Intrum á Íslandi

300.000

Kaupþing banki hf

1.000.000

Landsbanki Íslands

1.500.000

Milestone ehf

750.000

Sigurður Bollason

500.000

Tékk Kristall

200.000

VBS fjárfestingabanki

30.000

Vínlandsleið ehf

150.000

Þóra Guðmundsdóttir

500.000

Örninn hjól ehf

75.000



Þá segir hann að aðrir ónafngreindir styrktu framboðið um 8.975.000 krónur, en um er að ræða 16 aðila, bæði einstaklinga og fyrirtæki.