Ný plata frá Rökkurró

Önnur platan frá hljómsveitinni Rökkurró, Í annan heim, kemur út á fimmtudaginn. Hægt er að hlusta á plötuna í heild sinni sem og kaupa hana í forsölu á síðunni Gogoyoko.com. Jafnframt verður þar hægt að nálgast aukalag sem er ekki á plötunni sjálfri en í því heyrist kunnugleg rödd úr íslensku tónlistarlífi. Rökkurró heldur tónleika í 12 Tónum, sem gefa út plötuna, á föstudaginn klukkan 17.30. Þar verður hægt að fá forsmekkinn af plötunni og verða einungis lög af henni spiluð.