Hellings vinna að komast í gott form

Britney Spears er aftur að komast í gott líkamlegt form og sú hefur þurft að hafa fyrir því ef marka má einkaþjálfarann hennar.

Þjálfarinn Marc Corliss, sem hefur þjálfað Britney undanfarin ár með frábærum árangri, segir hana líta vel út en það sé hellings vinna á bak við stæltan kroppinn og sléttan magann.

„Britney er ein af þeim sem gengur í verkefnin með jákvæðu hugarfari. Hún snýr sér beint að markmiðinu og nær því. Hún leggur alltaf hart að sér og borðar eins og ég segi henni að gera," sagði einkaþjálfarinn.

Marc segir jafnframt að allir geta komið sér í líkamlegt form eins og Britney með því að borða rétt og hreyfa sig.