LeAnn með leiðindi

Sveitasöngkonan LeAnn Rimes á að hafa treyst vinkonu sinni fyrir því að í hvert sinn sem hún lemur í boxpúða í líkamsræktinni ímyndi hún sér fyrrverandi eiginkonu kærasta síns, Brandi Glanville.

Rimes hefur verið í föstu sambandi með leikaranum Eddie Cibrian um nokkra hríð en þau voru bæði gift öðrum þegar samband þeirra hófst. „LeAnn hatar Brandi og heldur að hún leki ljótum sögum um sig í slúðurblöðin. Það gerir hana mjög reiða þannig að hún losar um pirringinn með því að kýla boxpúðann í ræktinni. Hún sagði að þegar hún sé virkilega reið, þá ímyndi hún sér andlit Brandi í stað púðans,“ var haft eftir heimildarmanni.