Vildi verða rappari

Robert Pattinson þráði ekkert heitar en að verða rappstjarna sem unglingur. Robert, sem þekktastur er fyrir að leika vampíruna Edward Cullen í Twilight-kvikmyndunum, var með rapparann Eminem á heilanum og tók sjálfan sig upp rappa lög eftir kappann. „Ég á heilt safn af upptökum af mér að rappa frá þrettán ára aldri. Ég var með Eminem á heilanum þegar ég var yngri.“

Robert segir jafnframt að hann hafi verið í rapphljómsveit sem kallaði sig „Big Tub and the Tappy Cats“ en textana hafi bandið fengið frá öðrum. „Flestar rímurnar voru stolnar og textarnir snérust um að vera alinn upp á götunni, sem var eiginlega frekar fáránlegt þar sem ég var í raun veru alinn upp í fínu hverfi í London.“ Hann segir þó að ef hann fengi tækifæri til að rappa með Eminem myndi hann slá til. „Ég myndi elska að rappa með Eminem. Það væri alveg frábært.“