Fórnar sér fyrir soninn ef til þess kemur

Leikkonan Minnie Driver, 40 ára, sem er einstæð móðir, myndi ekki hugsa sig tvisvar um ef hún þyrfti að stökkva í veg fyrir bíl til að bjarga lífi sonar síns, tveggja ára Henry Story.

Enginn veit deili á föður drengsins en Minnie vill halda því út af fyrir sig hver hann er. Hinsvegar hefur það komið leikkonunni skemmtilega á óvart hvað tengingin sem hún upplifir til sonarins er öflug.

Minnie var ekki lengi að svara þegar hún var spurð út í móðurtilfinninguna.

„Ég myndi fórna mér fyrir hann. Ég myndi hiklaust stökkva fyrir bíl eða hvað sem er til að bjarga syni mínum," sagði Minnie.

„Ég geri allt fyrir fjölskylduna mína. Þessi tilfinning er sterk og góð."