Á erfitt með athyglina

Keira Knightley segir að hún hafi átt í erfiðleikum með að takast á við athyglina sem fylgir því að vera fræg. Leikkonan lék nýlega í kvikmyndinni Edge of Love ásamt Siennu Miller og segir að Miller hafi átt auðveldara með að takast á við alla fjölmiðlana en hún. „Mér var sagt að ég yrði látin í friði ef ég mætti ekki á viðburði og í partí. Ég sleppti því að mæta á alla þessa viðburði en það breytti engu.“ Knightley segist oft klæðast algjörum lufsum og labba niðurlút um bæinn, en það sé einungis hluti feimninnar. „Ég er viss um að fólk heldur að ég sé hundleiðinleg en ég er bara mjög feimin.“