Megan Fox gengin út

Leikkonan Megan Fox gekk að eiga unnusta sinn til margra ára, Brian Austin Green, á Hawaii í síðustu viku. Parið gifti sig á Four Seasons hótelinu og hélt litla veislu.

Megan Fox hefur oftar en einu sinni verið valin kynþokkafyllsta kona heims af tímaritum vestanhafs. Hún er þekktust fyrir leik sinn í Transformers-myndunum tveimur. Eftir rifrildi við leikstjórann var tilkynnt að hún leiki ekki í þeirri þriðju. Hægt verður að sjá hana í spennumyndinni Jonah Hex, sem var nýlega frumsýnd í Bandaríkjunum.

Brian Austin Green er enn þekktastur fyrir leik sinn í unglingasápunni Beverly Hills 90210 á tíunda áratugnum þar sem hann fór með hlutverk David Silver.