Virkni gossins svipað og síðustu daga

Ekkert bendir til gosloka. Virkni gossins er svipuð og síðustu átta daga. Hraun heldur áfram að skríða til norðurs og gígur hleðst upp í nyrðsta ískatlinum.

Hraunið rennur hægt frá gígnum og fer mesta orka þess í að bræða ís. Þrátt fyrir gjóskufall í nærsveitum, þá er kraftur gossins og gjóskuframleiðsla aðeins brot af því sem átti sér stað fyrstu daga gossins.

Í flugi TF SIF í gær sást gosmökkur í fjóra til rúmlega fimm kílómetra við Eyjafjallajökul. Merki um mökkinn greinast í 400 km fjarlægð frá gosstöðvunum á gervihnattamyndum en verðursjá í Keflavík greindi hann ekki.