Sagði börnunum ekki frá krabbameininu

Leikkonan Marcia Cross, 48 ára, sagði börnum sínum ekki frá því þegar pabbi þeirra greindist með krabbamein.

Desperate Housewives leikkonan á þriggja ára gamlar tvíburadætur, Eden og Savönnuh, með eiginmanni sínum Tom Mahoney. Tom fékk krabbamein á síðasta ári.

Í dag lítur allt út fyrir að Tom hafi náð að sigrast á krabbameininu eftir að hafa farið í gegnum erfiða lyfja- og geislameðferð.

Marcia var óttaslegin þegar þau fengu fréttirnar um að Tom væri alvarlega veikur en upplýsti ekki stúlkurnar sínar því þau vildu ekki hræða þær.

„Við ákváðum að segja þeim ekki frá veikindunum þó við vissum ekki hvernig heilsa Tom yrði," sagði Marcia.

„Þær njóta tilverunnar áhyggjulausar og pabbi þeirra er hraustur í dag. Veikindin tilheyra fortíðinni og hann vill ekki segja þeim frá því strax," sagið hún.