Vala Grand og Auddi í stuði á Saltfélaginu

Mikið var um dýrðir þegar gamla Saltfélagshúsinu var breytt í næturklúbb með tilheyrandi veigum og danstónlist. Fjöldi góðra gesta leit við en um boðspartýi var að ræða.

Langt er síðan ámóta teiti var haldið en þau lögðust nánast af eftir að bankarnir sukku með manni og mús. Ölgerðin fékk Dj Margeir til að hafa veg og vanda af veislunni og hann þeytti skífum eins og honum einum er lagið við trylltan dans viðstaddra. Human Women tróð einnig upp en góður rómur var gerður að leik hljómsveitarinnar. Hún er skipuð þeim Gísla Galdri og Jóni Atla.-fgg