Hættuleg ást

Raunveruleikastjarnan Kim Kardashian átti stuttan ástarfund með fótboltastjörnunni Cristiano Ronaldo fyrir nokkru. Nú telur göturitið In Touch að vinir og ættingjar stúlkunnar óttist að hún hafi fallið fyrir Ronaldo, en hann hefur orð á sér fyrir að vera mikill kvennabósi. „Konur elska hann og hann hefur gaman af því að skemmta sér með þeim. Hann er frægur og myndarlegur en hann hefur engan áhuga á að festa sig við eina konu. Kim ætti að passa sig á því að falla ekki fyrir honum,“ var haft eftir blaðamanni sem fylgst hefur með ferli fótboltamannsins.