Bullock kemur fram í fyrsta sinn eftir skilnaðinn

Sandra Bullock ætlar á næstu dögum að mæta í fyrsta sjónvarpsviðtal sitt eftir skilnaðinn við Jesse James. Viðtalið verður í „Today Show" á NBC sjónvarpsstöðinni. Bullock ætlar þó alls ekki að ræða einkamál sín heldur opnun nýrrar heilsugæslustöðvar í New Orleans sem hún tók þátt í að fjármagna.

Sandra Bullock hefur stutt dyggilega við bakið á íbúum í New Orleans eftir að fellibylurinn Katrín reið þar yfir fyrir nokkrum árum og dvalið á hamfarasvæðunum. Louis, sonur James, var fæddur í New Orleans.