Vill að Alþingi stöðvi ákæru gegn mótmælendum

Björn Valur Gíslason, þingmaður VG, hefur lagt fram þingsályktun á Alþingi um að skrifstofustjóra Alþingis verði falið að fara þess á leit við ríkissaksóknara að hann dragi til baka ákæru gegn nímenningum sem ákærðir eru fyrir að hafa rofið friðhelgi og fundarfrið Alþingis og fyrir húsbrot.

Björn Valur segir í greinagerð með tillögunni að einungis einu sinni hafi verið dæmt fyrir sambærilegt brot. Það hafi verið í kjölfar mótmæla vegna inngöngu Íslands í Atlantshafsbandalagið 30. mars 1949 þegar til átaka kom við Alþingishúsið. Björn Valur segir að sá dómur hafi verið álitinn slæmur og til að draga úr tiltrú fólks á réttarríkinu.