Kaupir sér nýtt hús

Skoska söngkonan Susan Boyle ætlar að eyða tæpum 60 milljónum í nýtt hús samkvæmt fréttum í Bretlandi. Nýja húsið er stórt og veglegt, með fimm svefnherbergjum, þremur baðherbergjum og tvöföldum bílskúr. Það er í heimabæ hennar í Skotlandi. Húsið er með búnað sem nýtir sólarorku til að búa til rafmagn fyrir húsið.

Susan sló sem kunnugt er í gegn í Britain‘s Got Talent þar sem Simon Cowell hreifst mjög af henni. Samkvæmt breskum fjölmiðlum var búist við því að hún myndi festa kaup á íbúð í London eftir að brotist var inn í gamla húsið hennar í Blackburn í Skotlandi. Líklegt er talið að hún hafi kosið að vera áfram í heimabænum til að vera í námunda við fjölskyldu sína. Eins og kunnugt er hefur frægðin reynst Susan nokkuð erfið og hefur hún meðal annars mátt glíma við veikindi af þeim sökum.