Myndband Lady GaGa bannað á MTV

Nýjasta myndband söngkonunnar Lady GaGa þykir svo svæsið að MTV sjónvarpsstöðin hefur neitað að sýna það. Myndbandinu er leikstýrt af Jonas Åkerlund sem áður hefur gert umdeild myndbönd fyrir sveitir á borð við Rammstein og Prodigy.

Nýja myndbandið við lagið Telephone skartar auk Lady GaGa stórstjörnunni Beyonce og er það litlar níu mínútur að lengd. Þrátt fyrir að MTV neiti að sýna myndbandið hefur það farið eins og eldur í sinu um netið. Það hefst á því að Lady GaGa er í fangelsi þar sem fangar jafnt sem fangaverðir eru heldur fáklæddir. Þegar hún losnar út tekur Beyonce á móti henni og upphefjast ýmiss ævintýr.

Hér má sjá myndbandið umdeilda.