Sandra Bullock flutt út vegna framhjáhalds eiginmannsins

Bandaríska leikkonan Sandra Bullock er sögð flutt út af heimili sínu eftir að hún komst af því að Jesse James, eiginmaður hennar, hélt framhjá henni með húðflúruðu fyrirsætunni Michelle McGee. Framhjáhaldið stóð í 11 mánuði eða á sama tíma og Bullock lék í kvikmyndinni The Blind Side en sem kunnugt er hlaut hún nýverið Óskarsverðlaun fyrir leik sinn í myndinni.

Michelle segir í samtali við Touch Weekly magazine að hún hafi haldið að hjónaband Jesse og Söndru væri lokið. Hún hefði annars aldrei byrjað að hitta hann. Michelle segir að samband þeirra hafi ekki bara snúist um kynlíf því þau hafi orðið náin.

Hvorki Sandra né Jesse hafa tjáð sig málið. Þau kynntust fyrir sex árum og giftu sig ári síðar.