Kominn með nýja kærustu

Leikarinn Liam Neeson er kominn með nýja kærustu, átján mánuðum eftir að eiginkona hans Natasha Richardson lést í skíðaslysi. Kærastan heitir Freya St. Johnston, starfar sem upplýsingafulltrúi og er tveggja barna móðir.

Nýlega sást til þeirra haldast í hendur í London en sambandið er á byrjunarreit. Neeson á tvo syni, 12 og 14 ára og hefur einbeitt sér að uppeldi þeirra síðan Richardson lést. Fyrir nokkru sagði hann feðgana taka einn dag í einu eftir fráfall hennar. „Okkur gengur vel. Við erum enn að fá ótrúleg samúðarbréf frá fólki. Þau hafa snert okkur djúpt.“