Ekkert minnst á Förruh Fawcett á Óskarnum

Aðstandendur leikkonunnar Förruh Fawcett eru miður sín eftir óskarsverðlaunahátíðina sem haldin var um helgina. Venja er að minnast þeirra leikara sem látist hafa á árinu á hátíðinni og var engin undantekning á því í ár.

Hinsvegar var ekkert minnst á stjörnuna sem lést síðasta sumar, en hún er helst fræg fyrir að leika í sjónvarpsþáttunum Charlies Angels á áttunda áratugnum.

Ryan O'Neill eftirlifandi eiginmaður hennar segist vera mjög sorgmæddur yfir því að Akademían skuli ekki hafa haft Fawcett með í upptalningunni.

Forsvarsmenn hátíðarinnar benda hins vegar á að Fawcett hafi verið helst þekkt fyrir leik í sjónvarpsþáttum og hafi því ekki verið eiginleg kvikmyndastjarna.