Kudrow vill eignast einkaþotu

Lisa Kudrow elskar að ferðast heimshornanna á milli. Hún segir reyndar líka að strangar öryggiskröfur á flugvöllum skyggi svolítið á gleðina. Hún trúir því að lífið myndi batna töluvert ef hún ætti sína eigin flugvél. Hún gerir sér hins vegar grein fyrir því að slíkt eru bara draumórar.

„Ég myndi gjarnan vilja eiga einkaþotu. Ég veit að það er ekki beinlínis umhverfisvænt, en miðað vð öryggiskröfurnar á flugvöllum og hversu seinlegt er að fara um þá, þá veit ég að það er þetta sem ég vil," segir Kudrow. „Og að einhver annar borgi," segir Kudrow.